mother a86

 கேரட்டில் இருக்கும் பக்க விளைவுகள்: யாரெல்லாம் கேரட் சாப்பிடக்கூடாது தெரியுமா?

கேரட் சாப்பிடுவது உடலில் எண்ணற்ற நன்மை பயக்கும், இருப்பினும் கேரட் பக்க விளைவுகளையும் கொண்டுள்ளது என்பது உங்களின் எத்தனை பேருக்கு தெரியுமா? சிலர் கேரட்டை சாப்பிடக்கூடாது, ஏனெனில் அதன் மூலம் நன்மை பெறுவதற்கு பதிலாக, அது அவர்களுக்கு தீங்கு விளைவிக்கும். அப்படியானால் கேரட் யார் யார் சாப்பிடக்கூடாடு என்பதை தெரிந்து கொள்வோம்.

கேரட் சாப்பிட்டவுடனே சிலருக்கு அலர்ஜி ஏற்படும்  : சிலருக்கு கேரட் சாப்பிட்ட உடனே உடலில் அலர்ஜி ஏற்பட ஆரம்பிக்கும். உண்மையில், சிலர் கேரட்டுக்கு அதிக உணர்திறன் கொண்டவர்கள் மற்றும் அத்தகையவர்களுக்கு பொதுவான சில பக்க விளைவுகள் தோல் வெடிப்புகள் (Skin Problems) ஆகும். கூடுதலாக, வயிற்றுப்போக்கு ஏற்படலாம். கேரட்டில் உள்ள அலர்ஜியால் இத்தகைய ஒவ்வாமை ஏற்படுகிறது.

கேரட் உட்கொண்ட பிறகு சருமத்தின் மஞ்சள் நிறம் அதிகரிக்கும் : கேரட்டில் பீட்டா கரோட்டின் அதிகமாக உள்ளது, இது உடலில் வைட்டமின் ஏ ஆக மாற்றப்படுகிறது. கேரட்டை அதிகமாக உட்கொள்வது உங்கள் இரத்தத்தில் அதிக அளவு கரோட்டின் உள்ளது, இது கரோட்டினீமியாவை ஏற்படுத்துகிறது, இது உடல் தோலை மஞ்சளாக ஆக்குகிறது.

சர்க்கரை நோயாளி உள்ளவர் கேரட் சாப்பிடக் கூடாது : கேரட்டில் இயற்கை சர்க்கரை அதிகம் உள்ளது. இதுபோன்ற சூழ்நிலையில், நீரிழிவு நோயாளிகள் கேரட்டை அதிகமாக உட்கொள்ளக்கூடாது. ஏனெனில் இதில் சர்க்கரையின் அளவு அதிகம். கேரட்டில் உள்ள சர்க்கரை குளுக்கோஸாக மாறுகிறது, இதன் காரணமாக உடலின் சர்க்கரை அளவு வேகமாக அதிகரிக்கிறது.

தாய்ப்பால் கொடுக்கும் பெண்கள் விசேட கவனம் செலுத்த வேண்டும் :  மறுபுறம், தாய்ப்பால் கொடுக்கும் பெண்கள் எதையும் மிகவும் கவனமாக சாப்பிட வேண்டும். ஏனென்றால், நீங்கள் எதைச் சாப்பிட்டாலும் அது உங்கள் குழந்தையைச் சென்றடையும். கேரட் தாய்ப்பாலின் சுவையை மாற்றும் என்று ஆய்வுகள் கூறுவதால், பாலூட்டும் தாய்மார்கள் கேரட் ஜூஸை அதிக அளவில் குடிப்பதைத் தவிர்க்க வேண்டும்.

 

குழந்தைகளுக்கு சிறிய அளவில் கேரட் கொடுப்பது நல்லது : ஊடக அறிக்கைகளின்படி, கேரட் அதிக அளவில் இளம் குழந்தைகளுக்கு பாதுகாப்பற்றதாக இருக்கும். எனவே, சிறிய குழந்தைகளுக்கு கேரட் மிகவும் அரிதாகவே கொடுக்கப்பட வேண்டும். எனவே இந்த விஷயங்களை மனதில் வைத்து கேரட்டை சாப்பிட்டால் உங்களுக்கு எந்த பாதிப்பும் வராது.

mother a85

 

புலம்பெயர் நாட்டில் தமிழர்களை பெருமைப்படவைத்த மற்றுமொரு யுவதி! (Photo)

 சுவிட்சர்லாந்தின் புகழ்மிக்க லுசேர்ன் பல்கலைக்கழகத்தின் ஆலோசகராக இலங்கை தமிழ் யுவதி சுபா உமாதேவன் தெரிவு செய்யப்பட்டுள்ள நிலையில் தமிழகத்தின் முன்னனி பத்திரிகையின் இணைப்பிதழில்  அட்டைப்படக் கட்டுரையுடன்  சுபா உமாதேவன் சிறப்பித்துள்ளது.

நாட்டின் போர்ச்சூழல் காரணமாக நம்மவர்கள் தேசத்தை விட்டு பலநாடுகளிலும் புலம்பெயர்ந்து வாழ்ந்து வருகின்றார்கள். புலம்பெயர் தமிழர்கள் தங்களுடைய வாழ்க்கையைத் தக்கவைத்துக் கொள்வதற்குத் தனிமனிதர்களாக நிகழ்த்திய வாழ்க்கைப் போராட்டம் என்பது, இறுதி யுத்தத்திற்கு ஒப்பானது அல்லது அதனையும் விட மேலானது என்றே சொல்ல வேண்டும்.

இன்று நம் புலம் பெயர் சமூகமானது ஒரு சில தேசங்களின் வளங்களையும் விட அதிகமான பொருளாதார நிறைவு கொண்ட சமூகமாக வளர்ந்து வருகிறது.

ஒரு மில்லியனுக்கு மேற்பட்ட புலம்பெயர் மக்களின் கல்வி,பொருளாதாரம் என்பன சில தேசங்களின் மொத்தச் சொத்தையும் விட அதிகமாக இருக்கும் என்பதற்கு ஆதாரம் அவசியமில்லை. டாலர்களாக, பவுண்களாக, ஈரோக்களாக, பிராங்குகளாக இவர்களின் வருமானம் 20 ஆண்டுகளில் நான்கு மடங்குகளாக அதிகரித்துள்ளது.

புலபெயர் தமிழர்களிப்ன் பொருளாதார முன்னேற்றம் இப்படியென்றால் கல்வி, தலைமைத்துவ முன்னேற்றங்களும் அதற்கு ஈடாக மிக உச்சங்களைத் தொடுகின்றன. அப்படிப் புலம்பெயர்ந்தவர்களில் ஒருவர்தான் சுவிட்சர்லாந்தைச் சேர்ந்த சுபா உமாதேவன் என , சுவிட்சர்லாந்தின் பிரபல நிதி நிறுவனமான ஆதா (Aadaa) நிறுவனத்தின் நிர்வாக பணிப்பாளர் , டாக்டர் கல்லாறு சதீஷ் புகழாரம் சூட்டியுள்ளார்.

அத்துடன் , ஐந்து மொழிகளில் சரளமாக உரையாற்றும் இவர் ,  பல மில்லியன் பணத்தை நிர்வகிக்கும் ஒரு சர்வதேச நிறுவனத்தின் நிறைவேற்றும் பணிப்பாளராகப் பணியாற்றுகிறார். அதுஅம்ட்டுமல்லாது  சுபா உமாதேவன், சர்வதேச செஞ்சிலுவைச் சங்கத்தின் முக்கிய பொறுப்பிலிருந்து சில நாடுகள் மற்றும் போராட்ட இயக்கங்களுடனான பேச்சுவார்த்தையில் இராஜதந்திரியாகக் கலந்து கொள்கிறார்.

இவை அனைத்துக்கும் சிகரம் வைத்தது போல்  எமது சமூகத்திலிருந்து தோன்றிய சுபா உமாதேவன் தற்போது சுவிட்சர்லாந்தின் புகழ்மிக்க லுசேர்ன் பல்கலைக்கழகத்தின் ஆலோசகராகவும் தெரிவு செய்யப்பட்டுள்ளார்.

 

இதற்கான ஏனைய ஆலோசகர்கள் Coop , Css போன்ற மிகப் பெரும் நிறுவனங்களின் நிறைவேற்று அதிகாரி என்றால், சுபா உமாதேவனின்   உயரம் என்னவென்று சொல்லத் தேவையில்லை.

இந்நிலையில் தமிழகத்திலிருந்து வெளிவரும் பத்திரிகைகளில் விற்பனையில் முதலிடம் வகிக்கும் ‘தினத்தந்தி’ பத்திரிகை தனது ஞாயிற்றுக்கிழமை இணைப்பிதழான ‘தேவதை’யின் அட்டைப்படக் கட்டுரையுடன் சுபா உமாதேவனின் உயரங்களைப் பேசியதானது,புலம்பெயர் தமிழர்களின் உயர்வுகளுக்கு தமிழகத்திலும் கிடைக்கும் அங்கீகாரமாகும்.

 

இந்நிலையில்  புலம் பெயர் தமிழர்களை பெருமைப்படவைத்த   சுபா உமாதேவனுக்கு பல்வேறு தரப்பினரும் பாராட்டுக்களையும் வாழ்த்துக்களையும் கூறிவருகின்றனர்.

mother a84

 எங்களிற்கு நீங்கள் வாக்கு செலுத்துங்கோ என நாங்கள் கேட்கவில்லை ஆனால் தமிழீழத்தை பாதுகாருக்கோ துரோகிகளை விரட்டி அடியுங்கோ என வெளிப்படையாகச் சொன்ன கஜேந்திகுமார்.

சிங்கள தலைவர்களின் வழிநடத்தலில் தமிழ் கட்சிகள் மக்களை ஏமாற்றுகின்றது: கஜேந்திரகுமார் பொன்னம்பலம்

இந்தியாவின் கைக்குள்ளேயும், சிங்கள தலைவர்களின் வழிநடத்தலிலும் இங்குள்ள தமிழ் கட்சிகள் மக்களை ஏமாற்றுகிறது எனத் தமிழ்த் தேசிய மக்கள் முன்னணியின் தலைவரும், நாடாளுமன்ற உறுப்பினருமான கஜேந்திரகுமார் பொன்னம்பலம் தெரிவித்துள்ளார்.

13ஆவது திருத்தச் சட்டத்துக்கு எதிராக யாழில் இன்று இடம்பெற்ற பேரணியின் பின்னர் உரையாற்றிய போதே அவர் இதனை கூறியுள்ளார்.

அவர் மேலும் தெரிவிக்கையில்,

34 வருடங்களுக்கு முன்னர் நிராகரிக்கப்பட்ட ஒற்றை ஆட்சியை இப்போதும் தூக்கிப் பிடிக்கும் 11 பேர் பற்றி நாம் இங்கு குறிப்பிட வேண்டும். இந்தியாவின் கைக்குள்ளே நின்று கொண்டு, சிங்கள தலைவர்களின் நிகழ்ச்சி நிரலிலே, மக்களின் ஆணையைப் பெற்று நாடாளுமன்றம் சென்றவர்கள், இன்று என்ன செய்கிறார்கள்.

சீனாவை நாம் இங்கே விட மாட்டோம், அதற்கு நாம் உதவுவோம், நீங்கள் இந்த ஒற்றை ஆட்சிக்கு ஆதரவு கொடுங்கள் எனத் தமிழ் கட்சிகள் இப்போது கையேந்தி நிற்கின்றனர். இந்தியாவுடன் பேரம் பேசியுள்ளனர்.

மக்களே அடுத்த தேர்தலில் நீங்கள் எமக்கு வாக்களிக்க வேண்டாம். ஆனால் 13 ஆம் திருத்தத்துக்கு எதிராகச் செயற்படுங்கள், 13ஐ ஆதரிப்பவர்களை நீங்கள் விரட்டி அடிக்க வேண்டும்.அந்த 11 பேர் இப்போது என்ன செய்கிறார்கள்.

மக்களின் பிரச்சினைக்குத் தீர்வு பெற்றுத் தருவோம் எனத் தெரிவித்து நாடாளுமன்றம் சென்றவர்கள் இன்று என்ன செய்கிறார்கள். புதிய அரசியலமைப்பைக் கொண்டு வருவோம் எனத் தெரிவித்துள்ள தற்போதைய ஆட்சியாளர்களுக்கு இவர்கள் நன்றாக முண்டு கொடுக்கிறார்கள்.

ஆனால், நாம் விட மாட்டோம். அனைத்து தமிழ் பிரதேசங்களிலும் இந்த போராட்டத்தைத் தொடர்ந்து நடத்துவோம் என தெரிவித்துள்ளார்.

mother a83

 உடல் எடையை எளிதாக குறைக்க வேண்டுமா? அப்போ இதை சாப்பிட்டு பாருங்க!

பெருஞ்சீரகம் பல பொருட்களில் பயன்படுத்தப்படுகிறது. இது உணவில் இருந்து வாய் புத்துணர்ச்சி வரை பயன்படுத்தப்படுகிறது. நல்ல விடயம் என்னவென்றால், இது எடை இழப்புக்கு பயன்படுத்தப்படுகிறது. பெருஞ்சீரகம் ஒரு மசாலா, இது சட்னி மற்றும் ஊறுகாய் தயாரிப்பதில் பயன்படுத்தப்படுகிறது,

இருப்பினும் எடை இழப்புக்கு இது எவ்வாறு பயன்படுத்தப்படுகிறது என்பதை இங்கே பார்ப்போம்?

எடை குறைப்பு என்பது இன்றைய காலத்தில் மிகப்பெரிய சவாலாக உள்ளது. பெரும்பாலான மக்கள் வீட்டிலிருந்து வேலை செய்யும் நேரத்தில், அதிகரித்த எடையைக் குறைப்பது அவர்களுக்கு இன்னும் கடினமாக உள்ளது.

பெருஞ்சீரகத்தில் ஆன்டிஆக்ஸிடன்ட்கள் உள்ளன பெருஞ்சீரகம் அத்தகைய ஒரு சூப்பர்ஃபுட் என்று கூறப்படுகிறது, இதில் ஆன்டிஆக்ஸிடன்ட்கள் நிறைந்துள்ளன. இது நோய் எதிர்ப்பு சக்தியை வலுப்படுத்தவும், செரிமானத்தை மேம்படுத்தவும், எடையை குறைக்கவும் உதவுகிறது. எடை இழப்புக்கு பெருஞ்சீரகத்தை மென்று சாப்பிடுவது மட்டுமே வழி அல்ல. உங்கள் உணவில் பெருஞ்சீரகத்தை சேர்க்க இன்னும் பல எளிய வழிகள் உள்ளன.

பெருஞ்சீரகத்தை இப்படி பயன்படுத்துங்கள் உடல் எடையை குறையும்:

பெருஞ்சீரகத்தில் செய்யப்பட்ட தேநீர் பருகுவது உடல் எடையை குறைக்க உதவுகிறது. பெருஞ்சீரகம் தேநீரின் நல்ல பலனை நீங்கள் பெற தினமும் உட்கொள்ளலாம்.

பெருஞ்சீரகத்தை பொடி வடிவில் சாப்பிட்டு வந்தால் உடல் எடை குறையும். இதற்கு ஒரு பிடி பெருஞ்சீரகத்தை எடுத்து நன்றாக அரைத்து பொடி செய்து கொள்ளவும். சுவைக்காகவும் சிறந்த செரிமான பண்புகளுக்காகவும் வெந்தய விதைகள், கருப்பு உப்பு, பெருங்காயம் மற்றும் சர்க்கரை மிட்டாய் ஆகியவற்றை நீங்கள் சேர்க்கலாம்.

பெருஞ்சீரகத்தை தண்ணீருடன் சாப்பிடுவது பொதுவாக வயிற்றுப் பிடிப்பைக் குறைப்பதற்கும் செரிமானத்தை மேம்படுத்துவதற்கும் பயனுள்ளதாக இருக்கும். உடல் பருமனை குறைக்க இது சிறந்த மற்றும் மலிவான வழிகளில் ஒன்றாகும்

mother a82

 உங்களுக்கு இப்படியான குறுஞ்செய்திகள் வந்தால் அழித்துவிடுங்கள்!

இணையத்திருடர்கள் நமது தொலைபேசிகள் மற்றும் கணினிகளுக்குள் ஊடுருவுவதற்கான முயற்சிகளைத் தொடர்ந்தும் மேற்கொள்வதால், இதுதொடர்பில் விழிப்புடன் இருக்குமாறு எச்சரிக்கப்பட்டுள்ளது.

கடந்த ஆண்டு ஆகஸ்ட் மாதம் முதல் வெவ்வேறு வகையில் கைபேசி குறுஞ்செய்தி ஊடாக மக்களைக் குறிவைக்கும் மோசடிக்காரர்கள், அண்மைக்காலமாக தமது செயற்பாட்டை பரந்தளவில் முடுக்கிவிட்டுள்ளதாக சுட்டிக்காட்டப்பட்டுள்ளது.

குறிப்பாக உங்களுக்கு பார்சல் ஒன்று வந்திருக்கிறது, அல்லது உங்களது முகவரியைக் கண்டுபிடிக்க முடியாததால் உங்களது பார்சல் காத்துக்கொண்டிருக்கிறது, உங்களது வீடியோ ஒன்று இந்த இணைப்பில் இருக்கிறது என்பதாக பல கோணங்களில் மோசடிக்காரர்கள் குறுஞ்செய்திகளை மக்களுக்கு அனுப்புகின்றனர்.

mother a81

 பைடனை நட்டாற்றில் விட்ட நேட்டோ: பயத்தில் சமாதான பேச்சுக்கு ரஷ்யாவை அழைத்துள்ளார்கள் 

ரஷ்யா மீது உள்ள பெரும் அச்சம் காரணமாக, பிரான்ஸ் மற்றும் ஜேர்மனி ஆகிய நாடுகள் புட்டினை வீடியோ காலில் தொடர்பு கொண்டு சமாதான பேச்சுக்கு வருமாறு அழைத்துள்ளார்கள். இந்த வீடியோ காலில் இணைந்த புட்டின், பிரான்ஸ், ஜேர்மனி மற்றும் உக்கிரைன் ஆகிய நாடுகளுடன் தான் பேச ரெடி என்று கூறியுள்ளார். இதனை அடுத்து ஒரு தற்காலிக போர் நிறுத்தம் ஒன்று ஏற்பட்டுள்ளது. ஆனால் இப்படி ஒரு கட்டத்திற்கு ரஷ்ய அதிபர் புட்டின் சென்றிருக்கவே மாட்டார் என்பது தான் உண்மை. இலகுவாக உக்கிரைன் நாட்டை பிடித்து விடலாம். வழமை போல நேட்டோ நாடுகள் இதில் தலையிடாது என்று புட்டின் கணக்கு ஒன்றை போட்டு இருந்தார். ஆனால் வழமைக்கு மாறாக…

 

அமெரிக்கா கடும் எதிர்ப்பை காட்டியதோடு தனது படைகளை உக்கிரைக்கு உதவியாக அனுப்ப திட்டம் தீட்டியது. இது இவ்வாறு இருக்க பிரித்தானிய அதி நவீன ஆயுதங்களை கொடுத்து முன்னேறும் ரஷ்ய டாங்கிகளை அழிக்க ஏதுவாக துணை புரிந்தது. இன் நிலையில் போர் மூண்டால், ரஷ்யா தோற்றுப் போகும் நிலை காணப்பட்டது. சற்று சறுக்கினால் கூட, ரஷ்ய படைகள் தொடர்பாக படு கேவலமான கருத்துகள் வெளியாகும். இன் நிலையில் தான் பிரான்ஸ் மற்றும் ஜேர்மனி குட்டையை குழப்பி உள்ளது. இந்த 2 நாடுகளும் புட்டினை, பேச்சுவார்த்தைக்கு அழைக்க. வேறு வழி இன்றி தான் பேசத் தயார் என்று கூறி தப்பி விட்டது ரஷ்யா. அனைத்து நேட்டோ நாடுகளும் ஒன்றாக இணைந்து புட்டினை எதிர்த்திருந்தால்…

ரஷ்யா என்றோ பின் வாங்கி இருக்கும் என்பதே உண்மை. ஆனால் ஜேர்மனி நினைக்கிறது ரஷ்யா தனது நாட்டுக்கு தரும் சமையல் எரி வாயுவை நிறுத்தும் என்று. ரஷ்யாவின் மிக முக்கிய வருமானமே எரிவாயு விற்பனை தான். அதனை அது இழக்குமாக இருந்தால். நாட்டின் வருமாணத்திற்கே பெரும் அடி விழும். அதனால் ரஷ்யா எரி வாயு விற்பனையை எந்தக் காரணம் கொண்டும் நிறுத்தாது. அதன் விலையை சற்று அதிகரித்து பயத்தை ஏற்ப்படுத்தி இருக்கும் அவ்வளவு தான். ஜேர்மனி மற்றும் பிரான்ஸ் ஏன் இந்த அளவு ரஷ்யாவை பார்த்து கிலி கொள்கிறது என்பது புரியாத புதிராகவே உள்ளது.

mother a80

 இந்தியா தமிழ் மக்களை அவர்களது அடிமைகளாக அடக்கக்கூடாது: தர்மலிங்கம் சுரேஸ்

இந்தியா தமிழ் மக்களை அவர்களது அடிமைகளாக அடக்கக்கூடாது, தமிழ் மக்களின் அரசியல் அபிலாசைகள் நன்கு தெரியும். எனவே அதனை அமுல்படுத்தும் விதமாக உங்கள் செயற்பாடு இருக்கவேண்டும் எனத் தமிழ்த் தேசிய மக்கள் முன்னணியின் தேசிய அமைப்பாளர் தர்மலிங்கம் சுரேஸ் தெரிவித்துள்ளார்.

மட்டக்களப்பு அரசடி பிள்ளையார் வீதியில் அமைந்துள்ள தமிழ்த் தேசிய மக்கள் முன்னணி மாவட்ட காரியாலயத்தில் இன்று(28) இடம்பெற்ற ஊடக சந்திப்பில் அவர் இவ்வாறு தெரிவித்துள்ளார்.

அவர் அங்கு மேலும் தெரிவிக்கையில்,

இன்று சர்வதேசத்தின் அழுத்தம் காரணமாக கோட்டாபய அரசாங்கம் புதிய அரசியல் அமைப்பை நிறைவேற்றுவதற்காகத் திட்டங்களைத் தீட்டிக் கொண்டிருக்கின்றனர். அது முற்று முழுதாக சர்வதேசத்தின் அழுத்தம் காரணமாகவே நடைபெற்றுக் கொண்டிருக்கின்றது.

இந்த நிலையிலே ஒரு சில மாதங்களில் அந்த அரசியல் யாப்பை முன்வைப்பதற்காக ஏற்பாடுகளைச் செய்து கொண்டிருக்கின்றனர்.

இலங்கையில் சீனாவின் வருகையையடுத்து கட்டுப்படுத்துவதற்காக இந்தியா எவ்வாறான விடையங்களைச் செய்யவேண்டும் என இந்த அரசோடு பேசி இலங்கையில் இருக்கின்ற தமிழர்களை ஒற்றையாட்சிக்குள் அடக்கக் கூடியவாறு பேசி செய்து தருவோம்.

எனவே நீங்கள் சீனாவின் உடைய வருகையை மட்டுப்படுத்த வேண்டும். இந்த நிலைப்பாட்டிலே இந்த அரசியல் அமைப்பு கொண்டு வரப்படுகின்றது. குறிப்பாக 13 வது திருத்தம் ஏற்கனவே நடைமுறையில் இருக்கின்றது.

அது 1987 ம் ஆண்டிலிருந்து நடைமுறையில் இருக்கின்றது. ஆனால் இந்த 13வது திருத்தம் தமிழ் மக்களுக்கு எந்தவிதமான பாதுகாப்பையும் அது கொடுக்கவில்லை. மாறாகத் தமிழ் மக்கள் தொடர்ந்து அடக்குமுறையான காணி அபகரிப்புக்கள் வாழ்வியல் என முழுக்க அழிக்கப்பட்டு வருகின்றனர்.

 

இந்த நிலையில் இங்கு இருக்கின்ற தமிழ்த் தேசிய மக்கள் முன்னணியைத் தவிர்ந்த ஏனைய அரசியல் தலைவர்கள் மீண்டும் அதனைப் புதுப்பிக்கும் விதமாக வந்து அந்த அரசியல் அமைப்பிலே 13வது திருத்தத்தைப் புகுத்தி அதிலே மாகாணசபை முறைமைகளை இருப்பதாகக் காட்டிக் கொண்டுள்ளனர்.

மேலும் தாங்கள் சொல்லித்தான் அரசு அந்த வேலைத்திட்டத்தைச் செய்கின்றது என்ற நிலைப்பாட்டைக் காட்டுவதற்காக இந்த 6 கட்சிகள் கடந்த 18-1-2022 இந்திய வெளி விவகார அமைச்சரிடம் கையளிக்கப்பட்டது.

இது ஒரு தமிழ் மக்களை மீண்டும் ஒரு சதிவலையான அழிவுக்குள் கொண்டு போவதற்கான ஒரு சாவுமணியாகத்தான் இருக்கின்றது. தமிழ் மக்களைப் பொறுத்தமட்டில் 1948 ம் ஆண்டிலிருந்து இதுவரைக்கும் தமிழ் மக்கள் தங்கள் உரிமைகளுக்காகப் போராடிவருகின்றார்கள். அன்றிலிருந்து தமிழ் மக்கள் தொடர்ச்சியாக வந்து அடக்குமுறைக்கு உட்பட்டு வருகின்றார்கள்.

 

அவருடைய உரிமை பறிக்கப்பட்டுள்ளது, இறையாண்மை கையகப்படுத்தப்பட்டுள்ளது. எனவே இவ்வாறான வேலைகள் நடந்து கொண்டிருக்கும் போது இந்தியா தன்னுடைய தேசியப் பாதுகாப்புக்காக இங்கே இருக்கின்ற தமிழ் மக்களின் பாதுகாப்பை உறுதிப்படுத்தாமல் வெறுமனவே தங்களின் நலனுக்காக மட்டும் எங்களுடைய மக்களின் அபிலாஷைகளைத் துக்கி எறிந்துவிட்டு வெறுமனவே உப்பு சப்பு இல்லாத 13 திருத்தத்தைக் கொண்டு வருவதற்குரிய தங்களுடைய கைக்கூலிகளாக இருக்கின்ற முகவர்களை இங்கே பயன்படுத்திக் கொண்டிருக்கின்றார்கள். மக்கள் ஒன்றைத் தெளிவாக விளங்கிக் கொள்ள வேண்டும்.

இந்த 13 திருத்தத்தில் எவ்விதமான பாதுகாப்பும் இல்லை, அது கடந்த 34 வருடங்களுக்கு மேலாக நிராகரிக்கப்பட்ட ஒன்று. அந்த அடிப்படையில் இப்போது சரியான தலைவர்களை இனங்கண்டுள்ளனர்.

 

6 தலைவர்களால் தயாரிக்கப்பட்டுக் கையளிக்கப்பட்ட கடிதம் தொடர்பாக நேற்றைய தினம் நியாயம் கற்பிக்க 6 தலைவர்களும் இனைந்து ஒரு ஊடகவியலாளர் மாநாட்டை நடாத்தியுள்ளனர்.

எனவே இவர்கள் தான் இந்தியாவினுடைய கைக்கூலிகளும் அவர்களுடைய எடுபிடிகளுமாக இருக்கின்றனர். இந்தியாவுக்கும் எமக்கும் எந்த வித பிரச்சனையும் இல்லை ஆனால் தமிழ் மக்களை அவர்களது அடிமைகளாக அடக்கக்கூடாது.

தமிழ் மக்களின் அரசியல் அபிலாசைகள் நன்கு தெரியும். எனவே அதனை அமுல்படுத்தும் விதமாக இந்தியாவின் செயற்பாடு இருக்கவேண்டும். எனவே இவர்கள் எங்களுடைய மக்களில் எவ்வித அக்கறையும் இல்லாமல் தொடர்ந்து செயற்பட்டுக் கொண்டிருக்கின்றார்கள்.

 

தமிழ் மக்களின் இனைந்த வடகிழக்கு இறையாண்மை சுயநிர்ணய உரிமை அதற்கான சமஷ்டி தீர்வு தேவை எனக் கடந்த கால தேர்தல் விஞ்ஞாபனத்தில் தெரிவித்து விட்டு இங்கே வந்து வெறுமனவே ஒற்றையாட்சிக்குள் தமிழர்களை முடக்குகின்ற சதி முயற்சியைச் செய்கின்ற இந்த தமிழ் தலைவர்களை மக்கள் ஓரங்கட்டவேண்டும்.

தொடர்ந்து கடந்த காலத்தில் 3 யாப்புக்கள் வந்தது இந்த மூன்று யாப்புக்களும் ஒற்றையாட்சிக்குட்பட்டவை இப்போது நான்காவதாகக் கொண்டுவரப்படும் யாப்பும் ஒற்றையாட்சிக்குட்பட்டது. எனவே இதனை இந்த இடத்திலே எதிர்க்காவிட்டால் இந்த நாட்டிலே தமிழர்கள் வாழமுடியாத ஆபத்து ஏற்படும்.

எனவே இதற்கு எதிராகத் தமிழர்கள் அனைவரும் அணிதிரளவேண்டும். நாளை 30 ஆம் திகதி யாழ்ப்பாணத்தில் நடை பெற இருக்கின்ற அந்த போராட்டத்துக்குப் புலம்பெயர்ந்து இருக்கின்ற மக்களின் உறவுகளுக்கு நீங்கள் அழைப்பு விடுக்கவேண்டும்.

அதேபோன்று கிழக்கில் இருக்கின்ற தமிழ் மக்கள் அனைவரும் போராட்டத்தில் வலு சேர்க்கவேண்டும். அவ்வாறே தமிழ்நாடு புலம் பெயர்ந்த மக்கள் வாழுகின்ற நாடுகள் அனைவரும் அந்த போராட்டத்துக்கு வலு சேர்க்க வேண்டும் எனத் தெரிவித்துள்ளார்.

mother 79

 உன்மைகளை தேடி ஒரு ஆய்வு

நீதியரசர் #விக்கினேஸ்வரன் வடமாகாணசபை #முதலமைச்சர் வேட்பாளராக கூட்டமைப்பின் சார்பில் போட்டியிட்ட போது தேர்தல் பிரச்சார கூட்டமொன்றில் இவ்வாறு தெரிவித்தார். "எமக்கு மக்கள் பெரும்பான்மையை வழங்குவார்கள் என்பதில் ஐயமில்லை ஆனால் 2/3 பெரும்பான்மையை மக்கள் வழங்கினால் அதனை பயன்படுத்தி ஆளுநருக்கு எதிராக நம்பிக்கையில்லா பிரேரணையை நிறைவேற்றி அவரை பதவி விலக்க முடியும்" உண்மையில் விக்கினேஸ்வரனுக்கு மாகாணசபைக்கு உரிய அதிகாரங்களை பற்றி தெரியாமல்தான் அப்படி கூறினாரா ? அல்லது தெரிந்து கொண்டும் தேர்தல் நோக்கில் மக்களை ஏமாற்றினாரா என்பது அவருக்கே வெளிச்சம். பின்னர் பதவிக்கு வந்தபின் அதைப்பற்றி வாயே திறக்கவில்லை. மாகாணசபைக்கு உரிய ஆளுனர் ஜனாதிபதியால் நியமிக்கப்படுபவர். மாகாணத்தை பொறுத்தவரை அவரே பரம்பொருள். ஆளுனரை பதவி விலக்க முடியும் என்று பதவிக்கு வந்த முதலமைச்சர் விக்கினேஸ்வரனால் வடமாகாண பிரதமசெயலாளரைக்கூட கட்டுப்படுத்த முடியாது போனது பரிதாபம் வட மாகாண பிரதம செயலாளரை கட்டுப்படுத்தும் வகையில் முதலமைச்சர் விக்கினேஸ்வரன் அனுப்பிய சுற்றறிக்கை க்கு எதிராக பிரதம செயலர் விஜயலட்சுமியால் உயர் நீதிமன்றில் அடிப்படை உரிமைமீறல் வழக்கு தாக்கல் செய்யப்பட்டது. குறித்த வழக்கில் முதலமைச்சர் விக்கினேஸ்வரன் சார்பில் சுமந்திரனே ஆஜரானார். குறித்த வழக்கில் முதலமைச்சருக்கு பிரதம செயலரை கட்டுப்படுத்தும் அதிகாரம் இல்லை என்றே பிரதம செயலர் விஜயலட்சுமி தரப்பு வாதிட்டது. மாகாணசபை சட்டங்களின் பிரகாரம் வழக்கின் தீர்ப்பும் அவ்வாறே அமையவுள்ளது என உணர்ந்து கொண்ட சுமந்திரன் , குறித்த தீர்ப்பு வெளியானால் மக்கள் மத்தியில் மாகாணசபை முறைமை எந்தவொரு அதிகாரமும் அற்றது என்பது வெளிப்பட்டுவிடும் என கருதி முதலமைச்சர் அனுப்பிய சுற்றறிக்கையை மீளப்பெறுவதாக தெரிவித்து வழக்கை முடித்துக்கொண்டார். இது மாகாண மக்களால் தெரிவு செய்யப்பட்டு மாகாணசபையில் பெரும்பான்மையை நிருபித்து முதலமைச்சர் பதவியை பெற்றவரால் அம்மாகாண பிரதம செயலரை கூட கட்டுப்படுத்த முடியாது என்ற உண்மை , மாகாணசபையின் கையாலாகாத தன்மை புலப்பட்ட முதல் சம்பவம். இதனை தவிர முதலமைச்சர் விக்கினேஸ்வரன் முதலமைச்சர் நிதியம் ஒன்றை உருவாக்கி அதன்மூலம் உள்நாட்டு வெளிநாட்டு தமிழர்களிடம் நிதியை பெற்று வறிய மக்களின் பொருளாதாரத்தை உயர்த்துவதற்கு வேலைவாய்ப்புகள் , உதவிகளை வழங்க திட்டமிட்டார். இதற்காக முதலமைச்சர் நிதிய நியதிச் சட்டம் உருவாக்கப்பட்டு மாகாணசபையில் ஒருமனதாக நிறைவேற்றப்பட்டு மத்திய அரசின் அனுமதிக்காக அனுப்பப்பட்டது. அப்போது ஜனாதிபதியாக இருந்த மகிந்த ராஜபக்சவினால் இது நிராகரிக்கப்பட்டது. பின்னர் ரணில் மைத்திரி இணைந்த நல்லாட்சி அரசு உருவானதும் மீண்டும் அதே நியதிச் சட்டம் மாகாணசபையில் நிறைவேற்றப்பட்டு மைத்திரியிடம் அனுமதிக்காக அனுப்ப்பட அவரும் அதனை கிடப்பில் போட்டுவிட்டார். இதனால் இறுதிவரை முதலமைச்சர நிதியம் உருவாக்கப்படவில்லை. எந்தவொரு துறை / அமைச்சரையும் உருவாக்கி செயற்படுத்த வேண்டுமாயின் அதற்கு நியதிச்சட்டம் உருவாக்கப்பட்டு மாகாணசபையில் நிறைவேற்றியபின் ஜனாதிபதியின் அனுமதியையும் பெற வேண்டும். ஜனாதிபதியின் ஒத்திசைவின்றி மாகாணசபை யால் எதனையும் செய்ய முடியாது என்பது இதன்மூலம் புலப்பட்டது. இது தவிர முல்லைத்தீவு கொக்கிளாயில் அரச நிலத்தை ஆக்கிரமித்து குடியேறிய இரு பெரும்பான்மையின மீனவர்களை அதிகாரிகள் நீதிமன்றின் மூலம் வெளியேற்றினர். அம் மீனவர்கள் உயர்நீதிமன்றில் வழக்கு தாக்கல் செய்தபோது விசாரணைக்கே எடுக்கப்படாமல் அவர்களது மனு தள்ளுபடி செய்யப்பட்டது. ஆனால் அம் மீனவர்களுக்கு மகாவலி அபிவிருத்தி அதிகாரசபை மூலம் (மாகாணசபையின் இசைவைப்பெறாமல்)குறித்த அரசகாணிகள் வழங்கப்பட்டு மீண்டும் அவர்கள் வந்து குடியேறிய போது மாகாணசபையால் ஒன்றையும் செய்யமுடியவில்லை. அதாவது மகாவலி அதிகார சபையின் அதிகாரத்தின் முன் மாகாணசபையால் எதையுமே செய்யமுடியவில்லை இவை எல்லாவற்றையும் விட எளிமையான ஒரு உதாரணம் திருநெல்வேலியில் அமைந்துள்ள அம்மாச்சி உணவகத்தின் பெயர்ப்பலகை விவகாரம். குறித்த உணவகத்திற்கு அம்மாச்சி உணவகம் என பெயரிட வடமாகாணசபை விரும்பியபோதும் மத்திய விவசாய அமைச்சரால் அதற்கு சிங்கள பெயரை வைக்குமாறு கடும் அழுத்தம் பிரயோகிக்கப்பட்டது. இதனையடுத்து குறித்த உணவகம் பெயர்ப்பலகை எதுவுமின்றி மே திறக்கப்பட்டு இன்றுவரை இயங்கி வருகின்றது. அதாவது ஒரு பெயர்ப்பலகையை கூட தமது விருப்பத்திற்கு ஏற்ப வைக்க முடியாத பலவீனமான நிலையிலேயே மாகாணசபை உள்ளது. இத்தகைய மாகாணசபையை அடிப்படையாக வைத்து எமது அரசியல் அதிகாரங்களை பெற முடியும் என மக்களை நம்பவைப்பது அபத்தம். ஆனால் தமிழ் தேசியப் பரப்பில் இயங்குவதாக கூறிக்கொள்ளும் கட்சிகள் சில இணைந்து 13 ஐ அமுல் படுத்த கோரி இந்தியாவிற்கு கடிதமும் அனுப்பியுள்ளன. உண்மையில் கட்சிகள் ஒருமித்து 13 இனை கோரி இந்தியாவிற்கு கடிதம் எழுதிய விவகாரத்தின் பின்னால் தூண்டுகோலாகவும் இந்தியாவே உள்ளது. இந்திய இலங்கை ஒப்பந்தத்தின் பிரகாரமே 13 உருவானது. இந்திய இலங்கை ஒப்பந்தத்தின் படி இலங்கையின் வெளிவிவகார கொள்கையில் இந்தியாவின் நலன்களுக்கே முக்கிய இடமளிக்கப்பட்டுள்ளது. தற்போதய புறச் சூழலில் இலங்கை வெளியுறவு கொள்கையில் சீனாவிற்கே முக்கிய இடமளிக்கப்பட்டுள்ளது. எனவேதான் இந்தியாவிற்கு தனது நலன்களை பேணுவதற்கு இந்திய இலங்கை ஒப்பந்தத்தினை உயிர்ப்புடன் வைத்திருக்க வேண்டிய நிலை அவசியமாகின்றது. கடந்த வருட ஆரம்பத்தில் ஜெனீவாவில் இலங்கை தொடர்பான பிரேரணை நிறைவேற்றப்பட்ட போது வாக்கெடுப்பில் நடுநிலை வகித்த இந்தியா தனது கருத்தாக 13 இனை அமுல்படுத்துமாறே கோரியது. இதனையே தற்போது தனது கட்டுப்பாட்டில் உள்ள கட்சிகளை வைத்து தனக்கே கடிதம் எழுத வைத்து சாதிக்கவும் இந்தியா முயல்கின்றது. தமிழ் கட்சிகளின் கடிதத்தை சாட்டாக வைத்து மீண்டும் ஒருமுறை 13 இனை அமுல்படுத்துமாறு சர்வதேச அரங்கின் முன் இந்தியா இலங்கையை கோரி தனது நலன்களை காப்பாற்ற முயல்கின்றது. ஆனால் இந்திய இலங்கை ஒப்பந்தத்தின் கீழ் இணைக்கப்பட்ட வடக்கு கிழக்கை நீதிமன்ற தீர்ப்பு மூலம் பிரித்த போது இந்தியா வெறுமனே வேடிக்கை மட்டுமே பார்த்தது. பாராளுமன்றில் மூலம் மீண்டும் வடக்கு கிழக்கை இணைக்குமாறு எந்தவொரு அழுத்தமும் இந்தியா கொடுக்கவில்லை. அது இலங்கையின் உள்விவகாரம் என கூறிவிட்டு அமைதியாகவே இருந்து விட்டது. இந்தியா, இந்திய - இலங்கை ஒப்பந்தத்தின் பிரகாரம் தனது நலன்களை மட்டுமே பேணவிரும்புகின்றது தமிழரின் அரசியல் உரிமையை அல்ல என்பதற்கு இது ஒரு சான்று. இத்தகைய நிலைப்பாட்டில் உள்ள இந்தியாவிடம் கடிதம் எழுதி இந்திய விடம் கடிதம் அனுப்புவதால் அவர்களிற்கே நம்மை எமக்கு ஒன்றும் இல்லை என்பதை தமிழ் மக்கள் புரிந்து கொள்ள வேண்டும்.

mother a78

 ஆபத்தான பகுதியாக மாறும் மட்டக்களப்பு ; மக்களுக்கு எச்சரிக்கை

   மட்டக்களப்பு மாவட்டத்தில் ஒமிக்ரோன் வைரஸ் பாதிப்பால் 40 கர்ப்பிணி தாய்மார்கள் உட்பட 1300 பேர் அடையாளம் காணப்பட்டுள்ளதாக மட்டக்களப்பு பிராந்திய சுகாதார சேவைகள் பணிப்பாளர் வைத்தியர் கே.சுகுணன் தெரிவித்தார்.

அத்துடன் மட்டக்களப்பு மாவட்டத்தில் கடந்த ஒரு வாரத்தில் 22 வயதுடைய யுவதி ஒருவர் உட்பட 6 பேர் உயிரிழந்துள்ளதாகவும் அவர் குறிப்பிட்டார்.

தற்போது நாட்டில் கொழும்பு கம்பஹா, தவிர்ந்து கிழக்கு மாகாணத்தில் மட்டக்களப்பு மாவட்டத்தில் ஒமிக்ரோன் தொற்று அதிகரித்துள்ளது.

மட்டக்களப்பு போதனா வைத்தியசாலையில் நேற்று 100க்கு மேற்பட்ட நோயாளிகளும் 20 க்கு மேற்பட்ட கர்ப்பிணி தாய்மார்களும் கண்டறியப்பட்டுள்ளதையடுத்து, மாவட்டத்தில் 40 க்கு அதிகமான கர்ப்பிணி தாய்மார்கள் ஒமிக்ரோன் வைரஸ் தாக்கத்தினால் பீடிக்கப்பட்டுள்ளனர்.

கடந்த 3 தினங்களில் 500 தொற்றாளர்கள் அடையாளம் காணப்பட்டதையடுத்து 1300 பேருக்கு நோய் அடையாளம் காணப்பட்டுள்ளது. எனவே பொதுமக்கள் இந்த அபாயத்தை உணர்ந்தவர்களாக சுகாதார நடைமுறைகளை பின்பற்ற வேண்டும் என வைத்தியர் கே.சுகுணன்  அறிவுறுத்தியுள்ளார். 

  

mother a77

 சர்வதேச அழுத்தத்தை சமாளிக்க சிறிலங்கா புதிய நகர்வு

ஐ.நா மனித உரிமை பேரவையின் அடுத்த அமர்வு நடைபெறவுள்ள நிலையில் சிறிலங்கா அரசாங்கம் பல இராஜதந்திர நகர்வுகளை மேற்கொண்டு வருகின்றது.

அந்த வகையில் இலங்கையில் மிகக் கொடூரமான சட்டமாக கருதப்படும் பயங்கரவாத தடைச் சட்டத்தில் பல திருத்தங்களை மேற்கொண்டு அரசாங்கம் வர்த்தமானி அறிவித்தலை வெளியிட்டுள்ளது.

பயங்கரவாத தடைச் சட்டத்தின் தற்காலிக ஏற்பாடுகள் சர்வதேச நியமனங்களுக்கு அமைவாக வர்த்தமானியில் வெளியிடப்பட்டுள்ளது.

இந்த திருத்தங்களின் அடிப்படையில் தடுப்புக் காவல் உத்தரவிற்கு அமைய ஒருவரை தடுத்து வைக்கும் காலம் 18 மாதங்களிலிருந்து12 மாதங்களாக குறைக்கப்பட்டுள்ளது.

தடுப்பு காவலில் வைக்கப்பட்டுள்ள சந்தேக நபரின் நிலை குறித்து ஆராய்வதற்கு நீதவானுக்கும் அனுமதி வழங்கப்படுகின்றது. இதன் ஊடாக சந்தேக நபர்கள் சித்திரவதைக்கு உள்ளாவதை தடுக்க முடியும் எனக் கூறப்படுகிறது.

சந்தேக நபரை சட்ட வைத்திய அதிகாரி முன்னிலையில் முன்னிலைப்படுத்தி, அவர் சித்திர வதைக்கு உட்படுத்தப்படவில்லை என்பதை உறுதிப்படுத்துவதற்கு இதன்மூலம் சந்தர்ப்பம் வழங்கப்பட்டுள்ளது.

தடுப்புக் காவல் உத்தரவு, கட்டுப்பாட்டு உத்தரவு, நீதித்துறை மீளாய்வு உத்தரவுகளை வெளிப்படையாக அங்கீகரித்தல் தொடர்பான பிரிவுகளில் திருத்தங்கள் மேற்கொள்ளபபட்டுள்ளன.

நீண்ட கால தடுப்புக் காவலில் வைக்கப்படுவதை தவிர்ப்பதற்காக குற்றம் சாட்டப்பட்டவர்கள் மீதான வழக்குகளை விரைவாகத் தீர்த்தல், சுதந்திரத்துக்கு இடையூறு விளைவிக்கும் பிரிவுகளை இரத்துச் செய்தல், நீண்ட கால கைதிகளுக்கு பிணை வழங்குதல் மற்றும் வழக்குகளை நாளாந்தம் விசாரணை செய்தல் போன்ற பிரிவுகளிலான திருத்தங்கள் உள்ளடக்கப்பட்டுள்ளன.

1979 ஆம் ஆண்டு அறிமுகப்படுத்தப்பட்ட சிறிலங்காவின் பயங்கரவாத தடைச் சட்டத்தில், 43 ஆண்டுகளுக்கு பின்னர் திருத்தங்கள் மேற்கொள்ளப்பட்டுள்ளமை குறிப்பிடத்தக்கது.

mother a76

 கொரோனாவில் அடுத்த தலைமுறையை இளக்கும் தமிழர்கள் சிறு பாண்மை தமிழர்களிற்கு இது பேரிடியாக மாறியுள்ளது.

மட்டக்களப்பில் இளம் யுவதி பரிதாப மரணம்! சோகத்தில் குடும்பம்

மட்டக்களப்பு வர்த்தகர் கருணாகரன் ( ரவி) அவர்களின் புதல்வி மதுரா தனது (29) ஆவது வயதில் கடந்த திங்கட்கிழமை (24.01.2022) கொவிட் -19 கொரோனா தொற்றினால் காலமானார்.

கடந்த வாரங்களில் பாரியளவில் கொரோனா தொற்றினால் அலை வியாபிக்கும் நிலையில், மட்டக்களப்பின் சில நகர்புற பாடசாலைகளில் கொரோனா தொற்று அதிகரித்துள்ளமை குறிப்பிடத்தக்கது என அங்கிருந்து கிடைக்கும் தகவல்கள் தெரிவிக்கின்றன.

mother a75

 இதற்கான உரிமை இலங்கை அரசுக்கு இல்லை! ஓ.பன்னீர்செல்வம் கண்டிப்பு

தமிழக மீனவர்களிடம் இருந்து கைப்பற்றப்பட்ட 105 படகுகளை ஏலத்தில் விட விளம்பரப்படுத்தியிருக்கும் இலங்கை அரசாங்கத்தை கண்டிப்பதாக அனைத்து இந்திய அண்ணா திராவிட முன்னேற்றக் கழக ஒருங்கிணைப்பாளரும் தமிழகத்தின் முன்னாள் முதலமைச்சருமான ஓ.பன்னீர்செல்வம் (O. Panneerselvam) அறிவித்துள்ளார்.

இதேவேளை, இந்திய மீனவர்களின் படகுகளை ஏலத்தில் விடும் நடவடிக்கையை இந்திய மத்திய அரசும், தமிழக மாநில அரசும் இணைந்து தடுக்க வேண்டும் என அனைத்து இந்திய அண்ணா திராவிட முன்னேற்றக் கழகம் கோரியுள்ளது.

மேலும், இலங்கை அரசின் இந்த செயல் இயற்கை நியதிக்கு எதிரானது எனவும் தமிழக மீனவர்களின் பெயர்களில் உள்ள படகுகளை ஏலம் விடுவதற்கு இலங்கை அரசாங்கத்திற்கு எந்த உரிமையும் இல்லை எனவும் அவர் தெரிவித்துள்ளார்.

தமிழக மீனவர்களின் படகுகளை ஏலத்தில் விட வேண்டாம் என முன்வைக்கப்படும் கோரிக்கை தொடர்பில் கடற்றொழில் அமைச்சர் டக்ளஸ் தேவானந்தாவிடம் (Douglas Devananda) ஊடகவியலாளர்கள் இன்று வினவினர்.

இதன்போது, அவர் தெரிவித்த விடயம், அவை பழுதடைந்த படகுகள், இட நெருக்கடி, சுகாதார பிரச்சினை காரணமாக அதனை ஏலம் விட முயற்சிப்பதாகக் தெரிவித்திருந்தமை குறிப்பிடத்தக்கது.

mother a74

 தலைவனின் வளியில் தமிழர்கள்

ஒரு தமிழன் இருக்கும் வரை விடுதலை போர் தொடரும் என்ற வளிகாட்டியின் சொல்லிற்கு அமைவாக அனைத்து தலைவர்களும் துரோகியாக மாறியபின்னரும் இரு கட்சிகளின் எதிர்ப் புரட்சி வரலாற்றில் மறக்க முடியதவை தொப்புள்கொடி உறவான அகில இலங்கை தமிழ் காங்கிரஸ் இணைந்து இருப்பது எமக்கு மிகவும் மன ஆறுதல் அளிகின்றது தான் ஆடாவிட்டாலும் தன் சதை ஆடும் என்பது உன்மை.

.ஒற்றையாட்சிக்குள் 13ஆவது திருத்த சட்டத்தை நிராகரிப்போம்! வவுனியாவை வந்தடைந்தது வாகன ஊர்தி (Photos)

ஒற்றையாட்சிக்கு உட்பட 13 ஆவது திருத்தச் சட்டத்தை நிராகரிப்போம் என்பதை வெளிப்படுத்தி ஆரம்பிக்கப்பட்ட ஊர்தி பவனி இன்று (26.01) இரவு வவுனியாவை வந்தடைந்தது.

தமிழ்த் தேசியக் கூட்டமைப்பு உள்ளிட்ட 6 கட்சிகள் 13வது திருத்தச் சட்டத்தை நடைமுறைப்படுத்தக் கோரி இந்தியாவுக்குக் கடிதம் அனுப்பியுள்ளது.

இந்த நிலையில், ஒற்றையாட்சிக்கு உட்பட்ட 13 ஆவது திருத்தச் சட்டத்தை நிராகரித்து சமஸ்டி அடிப்படையிலான தீர்வை வலியுறுத்தி தமிழ்த் தேசிய மக்கள் முன்னணி மற்றும் அகில இலங்கை தமிழ் காங்கிரஸ் ஆகிய கட்சிகளால் யாழ்ப்பாணம் நல்லூரடியில் எதிர்வரும் 30 ஆம் திகதி காலை 9.30 இற்கு மாபெரும் பேரணி ஒன்று நடத்த ஏற்பாடு செய்யப்பட்டுள்ளது.

இதனை வலுசேர்க்கும் முகமாகத் தமிழ் மக்களின் நீண்டகால அபிலாசைகளான சமஷ்டி தீர்வை வலியுறுத்தியும், ஒற்றையாட்சிக்கு உட்பட்ட 13 ஆவது திருத்தச் சட்டத்தை நிராகரிக்கக் கோரியும் அலங்கரிக்கப்பட்ட ஊர்திப் பவனி ஒன்று இன்று (26.01) மாங்குளம் நகரில் ஆரம்பிக்கப்பட்டது.

குறித்த பவனி மல்லாவி, விடத்தல் தீவு, மன்னார் ஆகிய பகுதிகளுக்குச் சென்று இரவு வவுனியாவை வந்தடைந்தது. நாளை (27.01) காலை வவுனியா நகரிலிருந்து புறப்பட்டு முல்லைத்தீவு நோக்கிச் சென்று அங்கிருந்து கிளிநொச்சி ஊடாக யாழ்ப்பாணம் செல்லவுள்ளது

செய் அல்லது செத்து மடி

MOTHER A73

 தமிழர்களின் பாதுகாப்பு கேழ்விக்குறி ஐக்கி நாடுகளின் அமைதிபடையை தமிழர் தாயகமான வட கிழக்கிற்கு அனுப்புமாறு கோரிமாபெரும் ஆற்பாட்டம் நடத்துமாறு ஆலோசனை.

கிளிநொச்சியில் 14 வயது சிறுமி மாயம்! தொலைப்பேசியில் வந்த மிரட்டல்

கிளிநொச்சியில் 14 வயதான சிறுமி ஒருவர் காணவில்லை என பொலிஸ் நிலையத்தில் முறைப்பாடு செய்யப்பட்டுள்ளது.

கிளிநொச்சி பழைய கச்சேரி வீதி, கிளி நகர் பகுதியில் வசிக்கும் செந்தூரன் பகலினி என்ற 14 வயதுடைய சிறுமியே இவ்வாறு காணாமல்போயுள்ளார்.

மேலும் குறித்த சிறுமி கடந்த 17ஆம் திகதியிலிருந்து காணவில்லை என பொலிஸில் முறைப்பாடு செய்யப்பட்டுள்ளது.

இதேவேளை, சிறுமி தொடர்பாக பெற்றோரிடம் பொலிஸார் வினவியபோது, கடந்த 17 ஆம் திகதி மகளைக் காணவில்லை என்று முறைப்பாடு செய்யப்பட்ட இரண்டு நாட்களுக்கு பின்னர், தங்களுக்கு தொலைபேசியூடாக மிரட்டல் விடுக்கப்பட்டதாக தெரிவித்துள்ளனர்.

மேலும், காணாமல் போயுள்ள சிறுமி தொடர்பாக தகவல் அறிந்தவர்கள் 0774188975 எனும் தொலைபேசி இலக்கத்திற்கு தகவல் வழங்குமாறு பொலிஸாரால் கேட்டுக்கொள்ளப்பட்டுள்ளனர்.

TAMIL Eelam news ba72

 30 வருடப் போராட்டத்திற்கு பணத்தையும் உயிரையும் ஒரே வீட்டில் இருந்து கொடுத்த ஆயிரக்கணக்கான தமிழ் உறவுகள் வெளிநாடுகளில் வாழ்கின்றார்கள் என்பதை சம்மந்தன் போன்ற நம்பிக்கை துரோகிகள் மறந்து விடக் கூடாது

. தமிழீழம் என்பது ஐம்பதினாயிரம் மாவீரர்களின் சொத்து என்பதை சம்மந்தன் போன்ற முட்டாள்கள் உணர வேண்டும்.

தமிழ் தலைமைகளுக்கு புலம்பெயர் தமிழர்கள் செருப்படி!! (படங்கள்)

13ஆம் திருத்தச் சட்டம் ஆரம்பப்புள்ளி அல்ல - புதைகுழி, தமிழினத் துரோகி சுமந்திரன் எனும் கோசங்களுடன் ஜேர்மனியில் போராட்டம் ஒன்று அண்மையில் இடம்பெற்றுள்ளது.

இதன்போது சிறிலங்காவில் பேசுபொருளாகியுள்ள 13ஆம் திருத்தச் சட்டம் தொடர்பிலான தமிழ் தலைவர்களின் செயற்பாடு குறித்து கடும் அதிருப்தியும் வெளியிடப்பட்டுள்ளது.

இப்போராட்டத்தின் போது, தமிழ் தேசியக் கூட்டமைப்பின் தலைவர் இரா. சம்பந்தன், மற்றும் அதன் பேச்சாளர் எம்.ஏ. சுமந்திரன் ஆகியோரது படங்களை காட்சிப்படுத்திய போராட்டக்காரர்கள், பாதணிகளால் தாக்கியுமுள்ளனர்.

பின் போராட்டத்தில் பங்கேற்றவர்கள் கருத்து வெளியிடுகையில்,

“எங்களுடைய மக்களின் வேதனைகளையும் வலிகளையும் சுமந்து, இளம் வயதில் எத்தனையோ இளைஞர்கள், யுவதிகள் தமது உயிர்களை தியாகம் செய்திருக்கிறார்கள். ஆனால் இன்று தமிழ் மக்களை அழிக்கும் முகமாக தமிழ் தலைமைகள் துரோகமிழைத்துக் கொண்டிருக்கிறார்கள்.

சம்பந்தன் உட்பட சுமந்திரன், மாவை சேனாதிராஜா, சி.வி விக்னேஸ்வரன், செல்வம் அடைக்கலநாதன், சுரேஷ் பிரேமச்சந்திரன் ஆகியோர் தமிழினத்துக்கு துரோகம் செய்து கொண்டிருக்கிறார்கள். அவர்களுக்கு எதிராகவே இந்தக் கண்டனப் போராட்டத்தை நாங்கள் ஏற்பாடு செய்திருக்கிறோம்.

பல்லாயிரக்கணக்கான தமிழ் இளைஞர் யுவதிகள் தமது உயிர்களை தியாகம் செய்துகொண்ட நிலையில், பொதுமக்களும் லட்சக்கணக்கில் படுகொலை செய்யப்பட்டிருக்கிறார்கள்.

இந்த நிலையில், ஒன்றுமே இல்லாத ஒற்றையாட்சியை இவர்கள் விரும்பிக்கொண்டிருக்கிறார்கள்.

இந்த துரோகக் கும்பல்களை தமிழ் மக்கள் அடுத்து வரும் தேர்தல்களில் நிச்சயமாக நிராகரிப்பார்கள். அதனை மீறியும் அவர்கள் தேர்தலில் இறங்கினால் மீளவும் செருப்படி வழங்கப்படுவது உறுதி.

நாங்கள் சர்வதேசத்தை மட்டும் நோக்கி அல்ல, எங்களுடைய இனத்துக்கும், தமிழ் தேசத்திற்கும், எங்களுக்காக உயிர் தியாகம் செய்த தோழர்களுக்கும் யார் துரோகமிழைக்கின்றனரோ? அவர்களுக்கு எதிராக நாங்கள் போராட வேண்டும்.

துரதிஷ்டவசமாக அவர்கள் எமது இனத்துக்கு உள்ளே இருப்பது எங்களுக்கு ஒரு சாபக்கேடு” - என்றனர்.

mother a71

 துரோகிகளை புகளாரம் சூடும் இணையங்கள் பொறுமை இளந்த தமிழர்கள்

இந்த ஜென்மம் விடுதலையானா என்ன ? சிறையில் இருந்தால் தான் என்ன ? ஏன் இந்த ஆர்பரிப்பு ?

புலிகளின் தயா மாஸ்டர் விடுதலையாகி விட்டார் என்று பரபரப்பு செய்திகளை போட்டு வருகிறது பல தமிழ் இணையங்கள். இதில் தம்மை தமிழ் தேசிய இணையம் என்று கூறும் பல செய்தி இணையங்கள், தயா மாஸ்டர் விடுதலை என்றும். இது சந்தோஷமான செய்தி என்று போடுகிறார்கள். 2009ம் ஆண்டு மே மாதம் தேசிய தலைவர் பிரபாகரன் அவர்கள் கொல்லப்பட்டு விட்டதாக கூறி ஒரு உடலை இலங்கை அரசு காட்டியது. அதனை அடையாளம் காட்ட அழைக்கப்பட்ட 2 நபர்களில் ஒருவர் கருணா, மற்றைய நபர் தயா மாஸ்டர். இவர் அடையாளம் காட்டி விட்டுச் சென்றிருந்தால் கூட பரவாயில்லை. ஆனால் அதன் பின்னர் சிங்கள நிருபர்களுக்கு ஒரு பேட்டி கொடுத்தார். புலிகள் பெரும் அட்டூழியம் செய்ததாக அவர் கூறிவிட்டு சென்றார். பல வருடங்களாக விடுதலைப் புலிகளோடு இருந்து… அவர்கள் போட்ட சோற்றையும் உண்டு… அதன் உப்பின் ஈரம் காய முன்னரே…

 

சிங்களவர்களின் எலும்பு துண்டுக்கு அலைந்த நபர் தான் இந்த தயா மாஸ்டர். இவர் சிங்கள சிறையில் இருந்தால் என்ன ? விடுதலையானால் நமக்கு என்ன ? ஏன் இந்த பரபரப்பு ? ஐயோ எனக்கு புரியவில்லை. நாம் என்ன அமினிசீயாவில் வாழ்கிறோமா ? கஜனி போல 15 நிமிடங்களில் எல்லாம் மறந்து விடுமா ? அதைப் போல இருக்கிறது இந்த கதை…. இதில் ஒத்தி வைக்கப்பட்ட தீர்ப்பு… ஒத்தி வைக்கப்படாத தீர்ப்பு என்று எல்லாம்… பட்டி மன்றம் நடத்துகிறார்கள். வேறு சிலரோ நீதிபதி இளஞ்செழியனை வாழ்த்துகிறார்கள். உண்மையில் என்ன நடக்கிறது என்று புரியவில்லை.

mother a70

 விடுதலைப்புலிகளை மறுசீரமைக்க முயற்சி - யாழ்ப்பாண இளைஞர்கள் தொடர்பில் நீதிமன்றம் கொடுத்த 

 

விடுதலைப்புலிகளை மீள ஸ்தாபிப்பதற்கு ஊக்குவித்ததாக கூறப்பட்டு கைது செய்யப்பட்டு விளக்கமறியலில் வைக்கப்பட்டுள்ள 26 சந்தேகநபர்களின் கைரேகைகளை ஆராய்ந்து அறிக்கை சமர்ப்பிக்குமாறு கொழும்பு மேலதிக நீதவான் சந்திம லியனகே அரசாங்க கையெழுத்து பரிசோதகருக்கு இன்று (25) உத்தரவிட்டுள்ளார்.

சட்டமா அதிபரின் மறு அறிவித்தல் வரை சந்தேகநபர்கள் விளக்கமறியலில் வைக்கப்பட்டுள்ளதாக பயங்கரவாத எதிர்ப்பு மற்றும் புலனாய்வுப் பிரிவு (TID) நீதிமன்றத்தில் தெரிவித்துள்ளது.

சந்தேகநபர்கள் 26 பேரும் யாழ்ப்பாணம் பகுதியில் வசிக்கும் இளைஞர்கள் என்றும், அவர்கள் விடுதலைப் புலிகளை மறுசீரமைப்பதற்காக பிரசாரத்தில் ஈடுபட்டவர்கள் என்றும் அவர்கள் 2020 மார்ச் 26 ஆம் திகதி கைது செய்யப்பட்டதாகவும் பயங்கரவாத எதிர்ப்பு மற்றும் புலனாய்வுப் பிரிவு (TID) நீதிமன்றத்திற்கு அறிவித்தது. புலிச்சாயம் பூசி தமிழ் இளைஞசர்களை கொடுமைப்படுத்தும் சிங்கள அரசு.

mother a69

 சுயநிர்ணய உரிமைக்கான எமது இந்த அரசியல் போராட்டம் கடந்த அறுபது ஆண்டுகளுக்கு மேலாக நீடித்துச்செல்கிறது. இந்த நீண்ட படிநிலை வரலாற்றில், வெவ்வேறு காலகட்டங்களில் வெவ்வேறு வடிவங்களாக எமது போராட்டம் வளர்ச்சியும் முதிர்ச்சியும் கண்டுவந்திருக்கிறது.

ஆரம்பத்தில் அமைதியாக, மென்முறை வடிவில், சனநாயக வழியில் அமைதி வழிப்போராட்டங்கள் வாயிலாக எமது மக்கள் நீதிகேட்டுப் போராடினார்கள். அரசியல் உரிமை கோரி, தமிழ் மக்கள் தொடுத்த சாத்வீகப் போராட்டங்களைச் சிங்கள இனவாத அரசு ஆயுத வன்

முறை வாயிலாக மிருகத்தனமாக ஒடுக்கமுனைந்தது. அரச ஒடுக்குமுறை கட்டுக்கடங்காமல் உக்கிரம் அடைந்து, அதன் தாங்கமுடியாத கொடுமைகளை எமது மக்கள் சந்தித்தபோதுதான், வரலாற்றின் தன்னியல்பான விதியாக எமது விடுதலை இயக்கம் பிறப்பெடுத்தது.

சிங்கள இனவாத அரசின் ஆயுதப் பயங்கரவாதத்திலிருந்து எமது மக்களைப் பாதுகாக்கவே நாம் ஆயுதமேந்த நிர்ப்பந்திக்கப்பட்டோம். ஆயுத வன்முறை வழியை நாம் விரும்பித் தேர்வு

செய்யவில்லை. வரலாறுதான் எம்மிடம் கட்டாயமாகக் கையளித்தது. தவிர்க்கமுடியாத தேவையின் நிர்ப்பந்தமாக ஆயுதப் போராட்டத்தை வரித்துக்கொண்ட போதும், நாம் எமது மக்களின் தேசியப் பிரச்சினைக்குப் போரை நிறுத்தி, அமைதி வழியில் தீர்வுகாணவே விரும்புகிறோம். இதற்கு எமது விடுதலை இயக்கம் என்றுமே தயாராக இருக்கிறது.

நாம் சமாதான வழிமுறைகளுக்கு என்றுமே எதிரானவர்கள் அல்லர். அதேநேரம் நாம் சமாதானப் பேச்சுக்களிற் பங்குபற்றத் தயங்கியதும் இல்லை. சமாதான வழிமுறை தழுவி, எமது மக்களின் அரசியல் உரிமைகளை வென்றெடுக்க, திம்புவில் தொடங்கி, ஜெனீவா வரை பல்வேறு வரலாற்றுச் சூழல்களிற் பேச்சுக்களிற் பங்குபற்றிவந்திருக்கிறோம். எமது மக்களின் தேசியப் பிரச்சினைக்குச் சமாதான வழியில் தீர்வுகாண நாம் முழுமனதுடனும் நேர்மையுடனும் செயற்பட்டபோதும் பேச்சுக்கள் எல்லாம் தோல்வியிலேயே முடிந்தன. சிங்கள அரசுகளின் விட்டுக்கொடாத கடும்போக்கும், நாணயமற்ற அரசியல் அணுகுமுறைகளும் இராணுவவழித் தீர்விலான நம்பிக்கைகளுமே இந்தத் தோல்விகளுக்குக் காரணம்.

_தமிழீழ தேசியத் தலைவர்_

•மேதகு வே.பிரபாகரன் அவர்கள்•

mother a68

 வாழ்த்துக்கள் தங்கையே, 

நீ பயின்றது 

நீ முயன்றது 

நீ வென்றது 

அத்தனையும் தனிப்பட்ட உன்னாலும் உன் குடும்பத்தாலும் மட்டுமே. இதற்கு யாரும் உரிமை கொண்டாடிட முடியாது. ஓரிருவரைத் தவிர, நீ வெளிநாட்டுக்கு பயணிக்க இருந்த பயணச்செலவை கூட சமாளிக்க முடியாது திணறிய போது கை குடுத்த உறவுகளைத் தவிர, உனக்கு நல்லுணவளித்து, நல்லுடையளித்து, நல் பயிற்சியளித்து உன்னை வளர்த்துவிட்டவர்களைத் தவிர.

நீ வெல்லும் வரை கண்டு கொள்ளாத முகநூலும் நீ வெற்றிவாகை சூடி வரும்வரை யார் என்றே தெரியாத ஊடகங்களும்/ சமூக ஊடகங்களும் இன்று உன்னை தூக்கி கொண்டாடுகின்றன. அது மனதுக்கு நிறைவானது. இதற்குள் தான் நானும் ஒருவன் உன்னை கண்டு கொள்ளாத தமிழ் அண்ணன். 

நீ வென்று திரும்பிய பின்பும் கூட 

உன்னை யார் என்று கண்டு கொள்ளாது துனுஷ் - ஜஸ்வரியா தம்பதியினரின் திருமண உறவு முறிவைப்பற்றி கதை கதையா எழுதிக்கொண்டிருக்கும் மஞ்சள் ஊடகங்களும், தமிழினத்தின் காப்பாளர்கள் என்று தம்மை அடையாளப்படுத்தி நிற்கும் தலைவர்களும் இன்னும் மௌனித்துக்கிடப்பது மட்டும் தான் மனதின் பாரமாகிறது. 

நீ தமிழிச்சி, 

எவ்வாறு சிறீலங்காவின் தேசியக்கொடியை போர்த்தலாம் என்று ஒருபுறம், 

உன்னை சிறீலங்கா அரசு கவனிக்கவே இல்லை எதற்காக அவர்களின் கொடியை போர்த்தி இனவழிப்பு அரசை நியாயப்படுத்த வேண்டும் என்று ஒருபுறம் கேள்வி எழுப்பும் அதே நேரம், 

சிறீலங்காவின் பிரதமர் தங்கம் வென்ற சிங்கள இளைஞனுக்கு வீடு பரிசளித்ததகவும் சிங்கள இனத்தவரை மதிப்பளிக்கும் இந்த இனவழிப்பு அரசு தமிழிச்சியான உன்னை கண்டு கொள்ளவே இல்லை என்றும் முகநூலில் தம் உள்ளக் கிடக்கைகளை கொட்டுகின்றனர் சிலர். 

நான் ஒன்றை சொல்லவா தங்கையே, 

சிறீலங்காவின் ஆட்சியாளர்களும், அதன் பட்டாளமும், அதனோடு இணைந்து இயங்கும் கறுப்பாடுகளும் என்றும் எம்மினத்துக்கான மதிப்பையோ சரிசமமான வாழ்க்கையையோ தரப்போவதில்லை. மற்றவர்கள் உன் மீதான அன்பிலும் வெறுப்பிலும் பலவற்றை கூறுகின்றார்கள் எழுதுகின்றார்கள். அவற்றை எல்லாம் மனதுக்குள் வைத்து சங்கடமோ சந்தோசமோ பட்டுக்கொள்ளாதே. நீ என்றும் ஒரு தமிழிச்சி என்பதை மறக்காதே. அதே நேரம் எம்மினத்தை கருவறுத்தவர்களையும் நீ மறந்துவிடாதே. அதையெல்லாம் நினைவிருத்தியபடி முன்னேறு. 

உன் வளர்ச்சி பாதையை பாகிஸ்தானில் நடந்த போட்டியோடு முடித்துக்கொள்ளாதே. அதையும் தாண்டி, உலகளாவிய போட்டிகளை நோக்கி அமைத்துக்கொள். 

Asian Games, Commonwealth, Olympic என சர்வதேச தளங்களை நோக்கி அமைத்துக்கொள். அவை உனக்கு இன்னும் இன்னும் படிக்கற்களை உருவாக்கும். 

இன்னும் இன்னும் பயிற்சி செய். 

இன்னும் இன்னும் முயற்சி செய் 

இன்னும் இன்னும் வெற்றிகளை உனதாக்கு. 

அன்பான

புலத்து உறவுகளே,  புலம்பெயர் உறவுகளே, அரசியலாளர்களே, தமிழினத்தின் பிரதிநிதிகளே…! 

தங்கை போன்றவர்களை இனங்கண்டு வளர்த்துவிடவில்லை என்றாலும் தம்மை இனங்காட்டி வெற்றியை தமதாக்கிய இவர்களையாவது மேலும் வளர்த்துவிட வேண்டிய செயற்றிட்டங்களை நடைமுறைப்படுத்துவோமே. தேவையற்ற வாதங்களை விட்டு, அந்தக் கொடி பிடித்தார் இந்தக்கொடி பிடிக்கவில்லை என்ற எம் மனக்குறைகளை விட்டு, “தமிழ் இளையவள் “ என்பதை மட்டும் கருத்தில் எடுப்போமே. தமிழிச்சி வென்றாள் என்ற இனிப்பான செய்தியை உலகுக்கு உரைப்போமே. கிடைத்த தளங்களைப் பயன்படுத்தி களத்தில் வென்றவளை புதுத் தளங்களை உருவாக்கி புதுக்களங்களை வெல்ல வழியமைப்போமே. 

அன்பானவர்களே…! 

தயவு செய்து பாகுபாடு இன்றி எம் பிள்ளைகளைப் போல இவர்களை வளர்ப்போமே. 

ஒன்றாகுவோம் வென்றாகுவோம்.

mother a67

 கனடாவில் காணாமல்போன தமிழ் யுவதி தொடர்பில் குடும்பத்தினர் வெளியிட்டுள்ள அதிர்ச்சி தகவல்!

 

கனடாவில் காணாமல்போன தமிழ் யுவதி பிரசாந்தி அருச்சுனன் உயிரிழந்துள்ளதாக குடும்பத்தினர் அறிவித்துள்ளனர்.

28 வயதான பிரசாந்தி அர்ச்சுனன் என்பவர் கடந்த 16ஆம் திகதி காணாமல் போயுள்ளதாக தெரிவிக்கப்பட்டு  பொலிசில் முறைப்பாடு செய்யப்பட்டிருந்ததுடன், அவரைக் கண்டுபிடிக்க உதவுமாறு பொலிசார் வேண்டுகோள் விடுத்திருந்தனர்.

குறித்த யுவதி கடைசியாக ஜனவரி 16, 2022 அன்று இரவு 7:45 மணிக்கு ஜேன் ஸ்ட்ரீட் மற்றும் ஃபின்ச் அவென்யூ வெஸ்ட் பகுதியில் காணப்பட்lதாகவும் பொலிஸ் முறைப்பாட்டில் தெரிவிக்கப்பட்டிருந்ததது.

இந்நிலையில்,அவர் உயிரிழந்துள்ளதாக குடும்பத்தினரால் உறுதிப்படுத்தப்பட்டுள்ளது.

உயிரிழந்த 26 வயதுடைய பிரசாந்தி அர்ச்சுனன், யாழ்ப்பாணம் வேலணையைப் பிறப்பிடமாகவும், கனடா நோர்த் யோர்க்கை வதிவிடமாகவும் கொண்டவர் என்பது குறிப்பிடத்தக்கது.

mother a66

 நோய் அற்ற வாழ்வே குறை அற்ற செல்வம் சுவர் இருந்தால்தான் சித்திரம் கீறலாம்

தயிருடன் இந்த உணவுகளை சேர்த்து சாப்பிடாதீங்க.. விஷமாகிடும்! எச்சரிக்கை

தயிரை ஒருசில உணவுகளுடன் சேர்த்து சாப்பிட்டால் உடல் ஆரோக்கியம் தான் சேதமடையும்.

ஆயுர்வேதத்தில் கூட தயிருடன் சேர்த்து சாப்பிடக்கூடாத உணவுகளாக ஒருசில உணவுகள் பட்டியலிடப்பட்டுள்ளன.

ஒருவேளை அப்படி சாப்பிட்டால், அதனால் வயிறு தொடர்பான பிரச்சனைகளை சந்திக்க வேண்டியிருக்கும்.

இப்போது தயிருடன் எந்த உணவுகளை எல்லாம் சேர்த்து சாப்பிடக்கூடாது, அப்படி சாப்பிட்டால் எம்மாதிரியான பிரச்சனையை சந்திக்க நேரிடும் என்பதைக் காண்போம்.  

சீஸ்

சீஸை எப்போதும் தயிருடன் சேர்த்து சாப்பிடக்கூடாது. சாப்பிட்டால் உடல் ஆரோக்கியம் மோசமாக பாதிக்கப்படும் மற்றும் உடல்நல குறைவால் அவதிப்பட நேரிடும்.

மீன்

தயிரையும், மீனையும் ஒன்றாக சாப்பிட்டால் அது வயிற்று உப்புசத்தை உண்டாக்கும். அதோடு, இந்த உணவுச் சேர்க்கை அஜீரண கோளாறு, வாய்வு தொல்லை, வயிற்று வலி, வாந்தி போன்ற பல பிரச்சனைகளுக்கும் வழிகுக்கும். 

எண்ணெயில் பொரித்த உணவுகள்

எண்ணெயில் பொரித்த உணவுகளை தயிருடன் சேர்த்து சாப்பிடாதீர்கள். ஏனெனில் இவை அஜீரண பிரச்சனைக்கு வழிவகுக்கும். இது தவிர, இந்த உணவு காம்பினேஷன் சில தீவிரமான வயிற்று பிரச்சனையை சந்திக்க வைக்கும்.

சிக்கன்

சிக்கனுடன் தயிரை சேர்த்தால், அது செரிமான மண்டலத்தின் செயல்பாட்டில் பிரச்சனையை உண்டாக்கும்.

வெங்காயம்

பலருக்கும் தயிர் மற்றும் வெங்காயத்தைக் கொண்டு தயாரிக்கப்படும் பச்சடி பிடிக்கும். தயிர் மற்றும் வெங்காய காம்பினேஷன் உடல் ஆரோக்கியத்திற்கு சிறந்ததல்ல என்று கருதப்படுகிறது.

ஏனெனில் சிலருக்கு வெங்காய பச்சடியானது அலர்ஜி, வாந்தி, வாய்வு தொல்லை, அசிடிட்டி போன்ற பிரச்சனையை உண்டாக்குகிறது.

mother a65

 பெண் போராளிகளின் காடத்த கால ஞாபகம் மறக்க முடியாத துயரத்தின் விளிம்பில்

கும்….. கும்…. கும்….. எறிகணை வீழ்ந்து வெடித்த சத்தத்தில் சாரத்திற்குள் சுருண்டு படுத்திருந்த வஞ்சி திடுக்கிட்டு எழுந்தான். கொட்டிக்கொண்டிருந்த பனித்துளிகளால் விரித்திருந்த உடல் மீண்டும் தன்னை சாரத்துக்குள் புகுத்தும்படி கெஞ்சியது.

காவல் கடமையி ஈடுபட்டுக்கொண்டிருந்த தோழியிடம் “நேரம் என்ன செவ்வந்தி?” என்று கேட்டாள். “நாலுமணியாகுது. நித்திரை கொண்டது காணும் பொசிசனுக்கு வாங்கோ அம்மையாரே” என்றாள் தோழி.

துள்ளியெழுந்த வஞ்சி தனது பீ.கே.எல்.எம்.ஜி யை தூக்கிக் கொண்டு, அருகிலிருந்த மரத்தினடியில் வைத்துவிட்டு, மரத்தில் சாய்ந்து நின்றபடி, எதிரியின் பிரதேசத்தை உற்று நோக்கிக்கொண்டிருந்தாள். அங்கே எதிரியின் காவல் அரண்களிற்கும் இவர்களின் காவலரண்களிற்கும் இடைப்பட பிரதேசத்தில் இவளது வீடு மொட்டைச் சுவருடன் அவளைப் பரிதாபமாய் பார்த்துக் கொண்டிருந்தது. முரசுமோட்டை என்னும் பெயருடைய அந்த அழகிய கிராமம் அமைதியாய் உறங்கிக்கொண்டிருந்தது. வாணியின் வீட்டுக்கு அவசர அவசரமாய் ஓடிவந்த மாமா “அவன் வந்திட்டான், சனமெல்லாம் ஓடுதுகள். நீங்கள் நித்திரி கொள்ளிறியள். கெதியா வெளிக்கிடுங்கோ”

கையில் அகப்பட்ட பொருட்களைத் தூக்கிக்கொண்டு அயலவர்களோடு இணைந்து கொண்டது வாணியின் குடும்பம். வீடிழந்து, சொத்திழந்து, சுகமிழந்து உயிரையாவது காப்பாற்றிக்கொள்வோம் என்ற துடிப்புடன் ஓடிக்கொண்டிருந்த மக்கள் மீது இராணுவத்தினர் ஏவிய எறிகணைகள் வீழ்ந்து வெடிக்கத் தொடங்கின.

“ஐயோ…. அம்மா…. காப்பாற்றுங்கோ…. காப்பாற்றுங்கோ….” அவலக்குரல்கள் ஓங்கி ஒலித்து தேய்ந்து போயின. யார் யாரைக் காப்பாற்றுவது.

பிள்ளைகளை இழந்த பெற்றோரும், பெற்றோரை இழந்த பிள்ளைகளும், கணவனை இழந்த மனைவியும், மனைவியை இழந்த கணவனுமாய்…. பல குடும்பங்கள் சிதைந்து போயின. இந்த அவலத்திற்குள்ளாக்கிய குடும்பங்களில் வாணியின் குடும்பங்களும் ஒன்று. வாணியின் கடைக்குட்டித் தம்பியும், அம்மாவும், அப்பாவும், இவளையும் தம்பி ரஞ்சனையும் அனாதைகளாக்கிவிட்டுச் சென்றுவிட்டனர்.

ஐந்து வயது நிரம்பிய தம்பிக்கும், பதினைந்து வயது நிரம்பிய வாணிக்கும் பாலசிங்கம் மாமாவின் வீடுதான் அடைக்கலம். கண்முன்னால் உடல்சிதறி பலியாகிய குட்டித் தம்பியும், அம்மாவும், அப்பாவும் அடிக்கடி அவள் முன்தோன்றி அவளை அழவைத்தனர். ஒன்றும் அறியா பச்சிளம் பாலகனான தம்பியும் பாசத்தைக் கொட்டி வளர்த்த அம்மாவும், அப்பாவும் நிர்க்கதியாய் அவர்களைத் தவிக்கவிட்டு சென்றது கொடுமை.

“அக்கா எங்கட அம்மாவையும், அப்பாவையும், தம்பியையும் கொன்றவர்களை நான் கொல்லுவேன் அக்கா” இது தம்பி ரஞ்சனின் வாயிலிருந்து அடிக்கடி வரும் வார்த்தைகள்.

அந்தப் பிஞ்சு மனதில் ஏற்பட்ட தாக்கத்தை எண்ணியெண்ணி அவள் இளநெஞ்சம் துடிக்கும். எமது குடும்பத்திற்கு ஏற்பட்ட இந்த அவலம் எந்தக் குடும்பத்திற்கும் ஏற்படக்கூடாது. ஏற்படவிடக்கூடாது. சிந்தித்த வாணி தம்பி ரஞ்சனை காந்தரூபன் அறிவுச்சோலையில் சேர்த்துவிட்டு இன்று வஞ்சியாய்……..

‘சரசர..’ என்ற சருகுச் சத்தம் அவளைக் கடந்த கால நினைவுகளிலிருந்து மீட்டுவந்தது. சத்தம் வந்த திசையை உற்றுநோக்கினாள் இராணுவத்தினர் அவளது நிலையை நோக்கி வந்து கொண்டிருந்தனர். ஒரு கணத்தில் அவள் தன்னை சுதாகரித்துக் கொண்டாள்.அவளது பீ.கே இயங்கத் தொடங்கியது. சக தோழிகளது ஆயுதங்களும் சடசடக்கத் தொடங்கின. இருதரப்பினருக்கும் இடையில் கடும் மோதல். செல் மழையாய் பொழிந்துகொண்டிருந்தது.

எதிரி ஏவிய செல் அருகில் வீழ்ந்து வெடித்ததில் இவர்களது பொசிசன் நிலைகுலைந்தது. பீஸ் ஒன்று செவ்வந்தியின் வயிற்றைப் பதம் பார்த்தது. வஞ்சிக்கும் இக்கட்டான நிலை. முன்னேறிக் கொண்டிருக்கும் எதிரியைத் தாக்குவதா? வயிற்றை இரு கைகளாலும் பொத்திக்கொண்டு வேதனையால் துடித்துக் கொண்டிருக்கும் தோழியைக் காப்பாற்றுவதா?

அவள் உயிர்த்தோழி வேதனையோடு இவளைப் பார்த்த வண்ணம் மண்ணை முத்தமிட்டாள். அவளது காயத்திலிருந்து பெருகிய குருதியைக் கட்டுப் படுத்தி தோழியைக் காப்பாற்ற முடியாத இக்கட்டான நிலைக்கு உள்ளாகிவிட்டேனே. என் தோழி என் கண்முன்னாலேயே துடிதுடித்து இறந்துவிட்டாளே அவள் நெஞ்சம் வேதனையால் துவண்டது.

தனியொருத்தியாய் நின்று ஆவேசத்தோடு எதிரியைத் தாக்கிக் கொண்டிருந்தாள். சீறிவந்த ரவையொன்று வஞ்சியின் இதயத்தைத் துளைத்தது. பீ.கே.பட்டில் அவள் தலை சாய்ந்தது.

பக்கத்து நிலைகளிலிருந்து போராளிகள் எதிரியை வஞ்சியின் பக்கம் நெருங்கவிடாது தடுத்துத் தாக்கினார்கள். பல மணி நேரங்கள் சண்டை தொடர்ந்தது. போராளிகளின் வீராவேசத் தாக்குதலுக்கு ஈடுகொடுக்க முடியாது படையினர் இறந்த சகாக்களையும் கைவிட்டுவிட்டு தலை தப்பியது தம்பிரான் புண்ணியம் என்று தலைதெறிக்க ஓடிவிட்டனர்.

வஞ்சியின் நிலைக்கு விரைந்த தோழிகள் செவ்வந்தியையும், வஞ்சியையும் தூக்கியபோது, வஞ்சியின் பீ.கே.எல்.எம்.ஜீ ‘சடசட’ என ரவைகளைக் கக்கியது. அதிர்ச்சியடைந்த தோழிகள் என்னவென்று பார்த்தபோது வஞ்சியின் கைவிரல் விசைவில் காப்புக்குள் இருந்தது. ‘எதிரியை அழிக்க வேண்டும் எம்மக்களைக் காப்பாற்ற வேண்டும்’ என்ற எண்ணமே அவளுக்கு உயிர் பிரியும் அந்தக் கணத்திலும்…….

மூலம்: தமிழறிவு.

mother a64

 

சுவிஸ் நாட்டில் திரைப்படதுறையில் விருது பெற்ற ஈழத்து தமிழன் (Photo)

சுவிற்சர்லாந்து நாட்டின் சொலோர்த்தூன் திரைப்படவிழாவில் கீர்திகன் சிவகுமாரின் " தூஸ்ரா " குறும்படத்திற்கு, இளம் திறமையாளருக்கான விருது (Nachwuchspreis/prix de la relève: Keerthigan Sivakumar) கிடைத்திருக்கிறது.

திரைத்துறை சார்ந்து, சுவிற்சர்லாந்திலும், ஐரோப்பிய அரங்குகளிலும் நல்லவொரு கவனிப்பைத் தரும் இந்த அங்கீகாரம், ஒரு அகதி முகம் களைவதிலும் முக்கிய பங்காற்றும் என நம்புவோமாக.

சுவிற்சர்லாந்தின் நிகழும் திரைப்பட விழாக்களில் முக்கியமான 'சொலர்த்தூன் திரைப்படவிழா' (solothurn film festival) வில் பங்குபற்றி. கடந்த வெள்ளிக்கிழமை ஜனவரி 21 மாலை 18.15க்கு Capitol சினிமா திரை அரங்கிலும், இன்று இரவு ஜனவரி இரவு 21.00 மணிக்கு Canva திரையரங்கிலும், என இரு தடவைகள் பொதுமக்களுக்கான காட்சிப்படுத்தல்களாகத் திரையிடப்படுகின்றன.

இவர் திரைப்படத்துறையில் மென்மேலும் பல சிகரங்களை தொட எமது வாழ்த்துக்கள். இவரை போன்று தமிழர்கள் பல துறைகளிலும் பிரகாசிக்க வேண்டும்.

mother a63

 இலங்கையர் என்றாலே மிருகமாக நினைக்கும் வெளிநாட்டு பெண்கள்

யுவதிகளுக்கு தொந்தரவு - கொடூரமான கோழை! இலங்கை இளைஞன் தொடர்பில் அவுஸ்திரேலிய நீதிபதி 

 

யுவதிகளின் ஆபாசமான படங்கள் மற்றும் காணொளிகளை அனுப்புமாறு அவர்களை, வலியுறுத்தி பின்னர் அவற்றை, அவர்களது குடும்பத்தினருக்கும் நண்பர்களுக்கும் அனுப்பிய குற்றச்சாட்டை இலங்கை மாணவர் ஒருவர் ஏற்றுக்கொண்டதாக அவுஸ்திரேலிய செய்திச்சேவை ஒன்று தெரிவித்துள்ளது.

ரன்பதி அமரசிங்க என அடையாளம் காணப்பட்ட 24 வயதான அவர், அவுஸ்திரேலியாவில் உள்ள விக்டோரியா மாகாண நீதிமன்றத்தில் காணொளி இணைப்பு மூலம் முன்னிலையானார்.

 

இதன்போதே அவர், தமக்கு எதிரான 25 குற்றச்சாட்டுகளை ஏற்றுக்கொண்டதாக தெரிவிக்கப்பட்டுள்ளது.

டீக்கின் பல்கலைக்கழகத்தில் கல்வி கற்கும், அவர் இளம் பெண்களின் நிர்வாணப்படங்கள் மற்றும் காணொளிகளை அனுப்பும்படி வற்புறுத்தி வந்துள்ளார்.

அவர்கள், தமது கோரிக்கைகளுக்கு இணங்கத் தவறினால், அவர்களுடன் தொடர்பு கொண்டமைக்கான ஆரம்ப சாட்சியங்களை, பெண்களின் பெற்றோருக்கும், நண்பர்களுக்கும் அனுப்பப்போவதாக அச்சுறுத்தியுள்ளார்.

 

அமரசிங்கவின் குற்றச்செயல் 2018 ஆம் ஆண்டு ஆரம்பித்து 2020 ஆம் ஆண்டு வரை தொடர்ந்தது, அவுஸ்திரேலிய காவல்துறையினரின் விசாரணையைத் தொடர்ந்து அவர் கைது செய்யப்பட்டார்.

அவர் மீது ஆரம்பத்தில் 16 குற்றங்கள் சுமத்தப்பட்டன, எனினும் பின்னர் மேலதிக குற்றச்சாட்டுக்களும் சேர்க்கப்பட்டன.

அண்மையில் இடம்பெற்ற விசாரணையின்போது, நீதிபதி டக்ளஸ் ட்ராப்னெல் ரன்பதி அமரசிங்கவை ஒரு "கொடூரமான கோழை" என்று விவரித்தார்.

இந்தநிலையில் இலங்கைக்கு நாடு கடத்தப்படுவதற்கு முன்னர் அமரசிங்கவுக்கு நீண்ட கால சிறைத்தண்டனை விதிக்கப்பட வாய்ப்புள்ளது.

அவருக்கு எதிர்வரும் பெப்ரவரி 24ம் திகதி தண்டனை அறிவிக்கப்படவுள்ளதாக அந்தச் செய்திச் சேவையில் குறிப்பிடப்பட்டுள்ளது.

mother a62

 சர்வதேச மத்தியஸ்தத்தை உணரத் தொடங்கி விட்டாரா சம்பந்தன்?

ஜனாதிபதியுடனான பேச்சு: ஏமாற தயாரில்லை! சம்பந்தன்

ஜனாதிபதி கோட்டாபய ராஜபக்சவுடனான (Gotabaya Rajapaksa) பேச்சை நாம் குழப்பவும் விரும்பவில்லை. அதேவேளை, ஏமாறவும் தயாரில்லை. சர்வதேச மத்தியஸ்தத்துடன் பேச்சில் பங்கேற்பதா என்பதை நாம் பரிசீலித்து முடிவெடுப்போம். இவ்வாறு தமிழ்த் தேசியக் கூட்டமைப்பின் தலைவர் இரா.சம்பந்தன் (R.Sampanthan) தெரிவித்துள்ளார்.

ஜனாதிபதி கோட்டாபயவின் கொள்கை விளக்க உரையைக் காட்டமாக விமர்சித்துள்ள நிலையில், ஜனாதிபதியுடனான பேச்சுக்களில் கூட்டமைப்பு சர்வதேச மத்தியஸ்தத்துடன்தான் பங்கேற்குமா என எழுப்பப்பட்ட கேள்விக்கே அவர் மேற்கண்டவாறு பதிலளித்துள்ளார்.

அவர் மேலும் தெரிவித்ததாவது,

ஜனாதிபதி கோட்டாபய ராஜபக்ஷ கடந்த 18-01-2022 ஆம் திகதி ஆற்றிய கொள்கை விளக்க உரை நாட்டு மக்களை ஏமாற்றும் விதத்திலேயே அமைந்துள்ளது. பல்லாண்டு காலமாகத் தமிழ் மக்கள் எதிர்பார்க்கும் அரசியல் தீர்வு தொடர்பில் அவர் வாயே திறக்கவில்லை.

இந்த நிலையில், அவர் தலைமையிலான அரசு எம்மைப் பேச்சு மேசைக்கு உத்தியோகபூர்வமாக அழைப்பு விடுத்தால் அதில் நாம் பங்கேற்பதா அல்லது சர்வதேச மத்தியஸ்தத்துடன் பங்கேற்பதா என்று மிகவும் கவனமாகப் பரிசீலித்து முடிவெடுப்போம்.

 

இருப்பினும், இந்தக் கருமம் மிகவும் முக்கியமானது. நாம் எதனையும் குழப்பமும் விரும்பமாட்டோம், அதேவேளை ஏமாறவும் தயாராக இருக்கமாட்டோம் என்றார்.

mother a61

 ஐபிசி தமிழ் ஊடக அனுசரணையில் கனடாவில் வெகுவிமர்சையாக இடம்பெறும் தமிழர் நிகழ்வு 

 

 

கனடாவில் வெகுவிமர்சையாக தமிழ் மரபுத்திங்கள் இணையவழி பெருவிழா சிறப்பாக இடம்பெற்று வருகின்றது.

குறித்த இணையவழி பெருவிழா 2022 22-01-2022 , சனிக்கிழமை கனேடிய நேரம் பிற்பகல் 3:00 மணி முதல் இடம்பெற்று வருகின்றது.

தமிழ் மரபு திங்களுக்கான பிரித்தானிய அரச பேரறிவிப்பினைப் பெறும் நோக்கத்துடன் தமிழ் மரபுத்திங்கள் செயல்பாட்டுக் குழுவினர் தொடர்ச்சியாக மூன்றாவது ஆண்டாகவும் நடாத்தி வருகின்றனர்.

குறித்த நிகழ்வில் நேரலையாக கலந்துகொள்ளவுள்ளோர் இணைப்பு ஊடாக இணைந்துகொள்ளலாம்.

https://us06web.zoom.us/j/81801602741

கனடாவின் பிராம்டன் நகர் வாழ் தமிழ் சமூகத்தின் வேண்டுகோளுக்கிணங்க பிராம்டன் நகரசபையினால் நகரசபையின் பிரதான பூங்காவில் 'தமிழினப்படுகொலை நினைவுத்தூபி' அமைப்பதற்கு அனுமதி வழங்கும் தீர்மானம் கடந்த வருடம் ஜனவரி 20ஆம் நாள் ஏகமனதாக நிறைவேற்றப்பட்டது. இதற்கு,கனடாவின் அரசியல் பிரமுகர்களும் கட்சி பேதமின்றி தமது ஆதரவினைத் தெரிவித்து வருகின்றார்கள்.

இலங்கையில் தமிழ் மக்களுக்கு நடந்ததுபோன்ற இனப்படுகொலை இனிமேல் உலகின் எப்பகுதியிலும் நடக்காதிருக்கச் செய்யும் செயல்பாடுகளுக்கு உந்துதல் தரும் வகையில் இந்த நினைவுத்தூபி இருக்கும் என்றும் கூறப்படுகின்றது. அந்த வகையில்,இதற்கான முதலாவது ஏற்பாட்டாக மாபெரும் நிதிசேர் நிகழ்வு உலகளாவிய ரீதியில் இணையம் வழியாக இன்று ஜனவரி 22ஆம் திகதி சனிக்கிழமையன்று நடைபெற்று வருகின்றமையும் குறிப்பிடத்தக்கது.

mother a60

 மட்டக்களப்பில் பெரும் சோகம்: தந்தை பலி! மகன் வைத்தியசாலையில்

மட்டக்களப்பு காத்தான்குடி பிரதானவீதி கல்லடி விபுலானந்தா இசை நடனக் கல்லூரிக்கு முன்பாக வீதியால் சென்ற மோட்டர்சைக்கிள் மீது கனரக வாகனம் மோதி விபத்துக்குள்ளானதில் தந்தை உயிரிழந்ததுடன் மகன் படுகாயமடைந்துள்ளார்.

இச் சம்பவம் இன்று சனிக்கிழமை (22-01-2022) மாலை  05.00 மணியளவில் இடம் பெற்றுள்ளது.

குறித்த சம்பவத்தில், ஆரையம்பதியைச் சேர்ந்த 50 வயதுடைய சிவராசா என்பவரே இவ்வாறு உயிரிழந்துள்ளதுடன் படுகாயமடைந்த மகன் மட்டு போதனா வைத்திய சாலையில் அனுமதிக்கப்பட்டுள்ளார்.

இச்சம்பவம் குறித்து தெரியவருவது,

மோட்டர் சைக்கிள் ஒன்றில் தந்தையும் மகனும் காத்தான்குடி பகுதியில் இருந்து மட்டக்களப்பை நோக்கி பிரயாணித்துக் கொண்டிருந்தபோது, விபுலானந்தா இசை நடன கல்லூரிக்கு முன்பாக் வோளாண்மை வெட்டும் இயந்திரம் ஒன்றை ஏற்றி வந்த உழவு இயந்திரத்தை முந்திச் செல்வதற்காக முயற்சித்த வேளை பின்னால் வந்த கனரக வாகனம் மோட்டர் சைக்கிளை மோதியதையடுத்து மோட்டார் சைக்கிள் சென்றவர்கள் தூக்கி வீசப்பட்டார்கள்.

தூக்கி வீசப்பட்டகள் பின்னால் வந்த ஊழவு இயந்திரத்தில் சிக்குண்டதையடுத்து ஸ்தலத்தில் தந்தையார் உயிரிழந்ததுடன் மகன் படுகாயமடைந்துள்ளார்.

 

இந்த நிலையில், மோட்டார் சைக்கிளை மோதிய கனரக வாகன சாரதி அங்கிருந்து வாகனுத்துடன் தப்பி ஓடியுள்ளார்.

இதில் படுகாயமடைந்தவர் மட்டக்களப்பு போதனா வைத்தியசாலையில் அனுமதிக்கப்பட்டுள்ளதுடன், உயிரிழந்தவரின் சடலம் பிரேத பரிசோதனைக்காக வைத்தியசாலையில் ஓப்படைக்கப்பட்டுள்ளதாக பொலிஸார் தெரிவித்தனர்.

 

இது தொடர்பான மேலதிக விசாரணைகளை காத்தான்குடி போக்குவரத்து பொலிஸார் மேற்கொண்டு வருகின்றனர்.